Raza Musani 
غزہ : صیہونی فوج نے غزہ میں ایک اور اسکول پر بم برسادئے۔ حملے میں تیس فلسطینی شہید اور سو سے زائد زخمی ہوگئے۔ صیہونی فوج نے وسطی غز ہ کے علاقے دیر البلاح میں سیدہ خدیجہ اسکول کو نشانہ بنایا جہاں متاثرین کی بڑی تعداد نے پناہ لے رکھی تھی۔ شہدا اور زخمیوں میں بڑی تعداد میں خواتین اور بچے شامل ہیں۔ بیشتر زخمیوں کی حالت تشویشناک ہے۔ جس سے شہادتوں میں اضافے کا خدشہ ہے۔
ادھر صیہونی فوج نے فلسطینیوں کو جنوبی خان یونس سے انخلا کا حکم دیتے ہی حملے بھی شروع کردئے۔ گن شپس ہیلی کاپٹروں نے مختلف مقامات پر فائرنگ کی۔فلسطینی وزارت صحت کے مطابق ابھی تک مشرقی خان یونس سے لاشیں نہیں اٹھائی جاسکیں۔ ایک ہفتے سے جاری اسرائیلی فوج کی زمینی کارروائیوں میں شہر کا بڑا حصہ تباہ ہوچکا ہے۔اقوام متحدہ کے مطابق چار لاکھ سے زائد آبادی کے علاقے سے دو لاکھ افراد نقل مکانی کرچکے ہیں۔
