Raza Musani 
غزہ : صیہونی فوج نے نصیرت پناہ گزین کیمپ میں انروا کے ایک اور اسکول پر حملہ کردیا۔ جس میں چودہ فلسطینی شہید اور ستر زخمی ہوگئے۔ صیہونی فوج نے ابو عریبان اسکول پر بم برسائے جس سے انسانی جسم ٹکڑوں میں بکھر گئے۔ شہدا اور زخمیوں میں بڑی تعداد میں بچے شامل ہیں۔ اسکول میں سینکڑوں بے گھر فلسطینی رہائش پذیر تھے۔ یہ چوبیس گھنٹوں میں نسل کشی کا تیسرا واقعہ ہے۔ اس سے پہلے صیہونی فوج نے شاطی پناہ گزین کیمپ میں تباہ شدہ مسجد کے باہر نماز ادا کرنے والوں پر حملہ کیا۔ جس کے نتیجے میں بائیس افراد شہید اور کئی زخمی ہوئے۔ ادھر المواصی میں وحشیانہ حملے میں شہید فلسطینیوں کی تعداد سو تک جاپہنچی ہے جبکہ تین سو سے زائد زخمی ہیں۔ میزائل حملے سے ایک رہائشی عمارت اور خمیہ بستی تباہ ہوگئی۔ ہر طرف لاشیں اور زخمی بکھر گئے۔ جنہیں پہلے سے تباہ اسپتالوں میں پہنچایا گیا جہاں طبی سامان ہے اور نہ ہی ادویات موجود ہیں۔
