غزہ میں ایک اور اسکول پر حملہ، 24 گھنٹوں میں 52 شہادتیں

غزہ: صیہونی فوج نے غزہ میں ایک اور اسکول میں قائم پناہ گزین کیمپ کو لہولہان کردیا۔ اسرائیلی جنگی طیاروں نے شاطی میں انروا کے زیر انتظام اسکول پر حملہ کیا۔ بمباری سے اسکول کا بڑا حصہ تباہ ہوگیا اور خواتین اور بچوں سمیت چودہ فلسطینی شہید اور کئی زخمی ہوگئے۔ صیہونی فوج نےجبالیہ۔ بیت لاہیہ اور شمالی غزہ کے کئی مقامات پر بمباری کی اور ڈرون سے رہائشی مکانات اور عمارتوں کو نشانہ بنایا۔ رات سے جاری وحشیانہ کارروائیوں میں مزید باون فلسطینی شہید اور کئی زخمی ہوگئے۔ جس میں بڑی تعداد خواتین اور بچوں کی ہے۔ صیہونی فوج نے رفح کے ساحل پر ماہی گیروں کو بھی نشانہ بنایا ہے۔