جب تک ٹرمپ اور نیتن یاہو اقتدار میں ہیں آبنائے ہرمز نہیں کھلے گی، باقر ذوالقدر

تہران: ولی امر مسلمین آیت اللہ مجتبیٰ خامنہ ای کے سیاسی مشیر محمد باقر ذوالقدر نے کہا ہے کہ ٹرمپ اور نیتن یاہو کے اقتدار میں رہنے تک آبنائے ہرمز نہیں کھلے گی، تہران سے جاری اپنے بیان میں انہوں نے کہا یہ ایرانی قوم کے انتقام کا پہلا مرحلہ ہے۔ ملک بھر کی سڑکوں پر عوام کی سرگرمیوں کی دو سو شب کی مناسبت سے اپنے پیغام میں باقر ذوالقدر نے کہا کہ ایک ایسی قوم کی 200 شب و روز کی استقامت اور پائیداری جو 50 برسوں سے استکبار سے پنجہ لڑا رہی ہے اور اپنے وجود، اپنی شناخت، آزادی اور اعلیٰ اہداف کا دفاع کر رہی ہے۔محمد باقر ذوالقدر نے کہا کہ ان دشمنوں کے لیے ڈراؤنا خواب ہے جو اس قوم کو تین دن میں شکست دینے آئے تھے۔
اس قوم نے ارادہ کیا ہے کہ وہ جارح دشمن کے دانت توڑ دے، سامراجیوں کو پٹخ دے اور دنیا کو نگلنے والے تیل کے مافیاؤں کا ہاتھ ہمیشہ کے لیے اس پاک سرزمین پر سے دور کر دے اور شہید رہبر، میناب کے بچوں سمیت اپنے ہزاروں مظلوم شہیدوں کا خون کا بدلہ اس سے لے۔