Raza Musani 
غزہ : اسرائیل کے فلسطینیوں پر سفاکانہ حملے جاری ہیں، غزہ میں بمباری سے 12 گھنٹوں میں 41 سے زائد افراد شہید ہوگئے، جن میں صرف 33 کو جبالیہ میں نشانہ بنایا گیا۔ اسرائیلی فوج نے شمالی غزہ میں جبالیہ اور بیت الاحیہ میں آپریشن مزید تیز کردیا ہے۔ علاقے میں موجود تین اسپتالوں پر بھی اسرائیلی فوج نے فائرنگ کی ہے۔ غزہ کی وزارت صحت کے ماتحت شمالی غزہ میں بچ جانے والے تین اسپتالوں کی حالت بھی انتہائی خراب ہے جہاں اسرائیلی فوج کی فائرنگ اور بمباری کے باعث بنیادی سہولیات کا فقدان پیدا ہوگیا ہے۔ حماس نے جبالیہ میں جوابی کارروائی کرتے ہوئے ٹینک سمیت اسرائیلی فوج کی چار گاڑیوں کو تباہ کردیا۔ متعدد فوجیوں کو ہلاک اور زخمی کرنے کا دعویٰ بھی کیا گیا۔
