امریکی فوج نے 7عرب ممالک پر قبضہ کی تیاری کرلی(سابق امریکی وزیر خارجہ)

مشرق وسطیٰ کے سات ممالک پر قبضہ تیل اور اقتصادی وسائل کیلئے کیا جائے گا،، دنیا تیسری عالمی جنگ کے دہانے پر کھڑی ہے اور ایران اس کا نقطہ آغاز ہوگا
اسرائیل کو جنگ میں زیادہ سے زیادہ عربو ں کو ہلاک کرنا ہوگا، امریکا اور اسرائیل روس اور ایران کے لئے تابوت تیار کرچکے ہیں، ہینری کسنجرکے انکشافات
واشنگٹن(نیوز ڈیسک)سابق امریکی وزیرخارجہ ہینری کسنجر نے عرب اور مسلم دنیا سے متعلق امریکا اور اسرائیل کے عزائم سے پردہ اٹھاتے ہوئے چشم کشا انکشافات کئے ہیں،ایک انٹرویو میں ہینری کسنجر نے کہا کہ امریکا فوج کو بتادیا گیا ہے کہ انہیں مشرق وسطیٰ میں تیل اور دیگر اقتصادی وسائل سے مالا مال اوراسٹریٹیجک اہمیت کے حامل سات ممالک پر قبضہ کرنا ہوگا اور ہماری فوج اس کیلئے تمام تیاریاں مکمل کرچکی ہے، انہوں نے کہا کہ مشرق وسطیٰ میں طبل جنگ پہلے ہی بج چکا ہے اور صرف کوئی بہرہ ہی ہوگا جو یہ سن نہیں سکتا، دنیا تیسری عالمی جنگ کے دہانے پر کھڑی ہے اور ایران اس جنگ کا نقطہ آغاز ہوگا،جس میں اسرائیل کو زیادہ سے زیادہ عربوں کو ہلاک کرنا ہوگا اور وہ آدھے مشرق وسطیٰ پر قبضہ کرلے گا،ہینری کسنجر نے کہا کہ جب تک روس اور چین قدم اٹھائیں گے عالمی جنگ جیتی جاچکی ہو گی اور صرف ایک ہی قوت اسرائیل اور امریکایہ جنگ جیتیں گے،اسرائیل کو اپنی قوت اور ہتھیاروں کے ساتھ لڑنا ہوگا اور جتنا زیادہ ممکن ہوسکے عربوں کومارنا ہوگا،کسنجر نے مزید کہا کہ امریکا اور اسرائیل روس اور ایران کے لئے تابوت تیار کرچکے ہیں اور ایران اس تابوت میں آخری کیل ہوگا،جب امریکہ انہیں بہتری کیلئے موقع دے گا،اس کے بعد وہ ہمیشہ کیلئے اختتام پذیر ہو جائیں گے تاکہ امریکہ ایک نئی عالمی کمیونٹی تشکیل دے سکے،جہاں سپرپاور کے طورپر صرف ایک حکومت ہوگی،سابق امریکی وزیر خارجہ کا کہنا تھا کہ ہم نے اسلامی ممالک میں کئی باشندوں کو خرید یا کرائے پر حاصل کر رکھا ہے اور وہ ہمارے منصوبوں کیلئے کام کر رہے ہیں،جیسا کہ ہم ان پر بھاری سرمایہ لگا چکے ہیں،یہ ہماری توقعات سے بڑھ کر اچھا کام کر رہے ہیں،ان غداروں کی وجہ سے ہم اپنے مقاصد کے حصول کے انتہائی قریب ہیں۔