Raza Musani 
نیویارک: اقوام متحدہ کی نمائندہ خصوصی برائے فلسطین فرانسیسکا البانیز نے غزہ میں بین الاقوامی مبصرین کو رسائی دینے کا مطالبہ کیا ہے۔ فرانسیسکا البانیز نے سوشل میڈیا پلیٹ فارم ایکس پر پیغام میں کہا ہے کہ اسرائیل کو غزہ کی صورت حال کا مکمل جائزہ لینے کے لیے بین الاقوامی مبصرین کو غزہ میں جانے دینا چاہیے۔ یہ وہی بات ہے جس کی عالمی عدالت انصاف نے درخواست کی ہے۔ انہوں نے کہا کہ مبصرین کو بہت پہلے ہی غزہ جانا چاہئے تھا۔ البانیز نے سوال کیا کہ آخر اسرائیلی حکومت کس چیز سے ڈرتی ہے۔ انہوں نے غزہ میں اسرائیلی مظالم پر تشویش کا اظہار کیا ہے اور اسرائیل کے خلاف الزامات کی تحقیقات کا مطالبہ کیا ہے۔
