Raza Musani 
غزہ : صیہونی فوج نے غزہ شہر کے تمام مکینوں کو شہر خالی کرنے کا حکم دے دیا۔ صیہونی فوج نے شہر پر فضا سے پمفلٹ گرائے ہیں جس میں شہریوں کو حکم دیا گیا ہے کہ وسطیٰ غزہ کو خالی کرکے جنوب کی طرف نکل جائیں۔ پمفلٹ میں علاقے کو خطرناک جنگی زون قرار دیا گیا ہے اور دو سڑکوں کی نشاندہی کرکے انہیں محفوظ راستہ قرار دیا گیا ہے۔ یہ دونوں سڑکیں دیر البلاح اور الزاویدہ میں پناہ گاہوں کی طرف جاتی ہیں۔
اقوام متحدہ نے کہا ہے کہ انہیں انخلاء کے احکامات پر گہری تشویش ہے۔ اس سے پہلے صیہونی فوج نے اسی علاقے میں انروا کے اسکول کو نشانہ بنایا تھا جس میں پناہ گزین ٹہرے ہوئے تھے۔ اس حملے میں خواتین اور بچوں سمیت اکتیس فلسطینی شہید اور تریپن زخمی ہوئے تھے۔ جبکہ خان یونس اور نصیرات پر حملے میں بھی دس فلسطینی شہید ہوئے۔ انروا کے سربراہ فلپ لازارینی نے حملے کی مذمت کی ہے۔ حماس کی چھاپہ مار کارروائی میں اسرائیل فوج کا کمانڈو ہلاک ہوگیا۔اسرائیلی ہلاک فوجیوں کی تعداد تین سو ستائیس سے بڑھ گئی ہے.
