Raza Musani 
واشنگٹن : صیہونی وزیر خارجہ گیڈون سار نے ہٹ دھرمی کا مظاہرہ کرتے ہوئے کہاہےکہ فلسطینی ریاست کبھی نہیں بنے گی۔ اسرائیلی وزیر خارجہ گیڈون سار نے واشنگٹن میں امریکی ہم منصب مارکو روبیو سے ملاقات کی۔ اور غزہ اور خطے کی مجموعی صورتحال پر تبادلہ خیال کیا۔ گیڈون ساعر نے ملاقات کو انتہائی مثبت قرار دیا۔
ادھر وال اسٹریٹ جنرل سے انٹرویو میں صیہونی وزیرخارجہ نے فلسطینی ریاست کو تسلیم کرنے کے مغربی اقدامات پر تنقید کرتے ہوئے کہا کہ غزہ میں انسانی صورت حال میں نمایاں بہتری آئی ہے۔ اسرائیل عوامی رابطوں پر اسٹریٹجک مفادات کو ترجیح دے گا۔ انہوں نے کہا کہ اسرائیل کے بڑھتے ہوئے سفارتی نقصان کی وجہ حماس اور دیگر اسرائیل مخالف کرداروں کا بڑے پیمانے پر پروپیگنڈہ ہے۔ سار نے مزید کہا کہ بہت سے یورپی ممالک یہ نہیں سمجھتے کہ تمام فلسطینی دھڑے یہودی ریاست کو ختم کرنے کا نظریہ رکھتے ہیں۔ فلسطینی ریاست کو تسلیم کرنا حماس کے اسرائیل کے حملے کا انعام ہے۔
