امریکی محکمہ دفاع کے فنڈز میں 824 ارب ڈالر کا گھپلا

واشنگٹن :امریکی محکمہ دفاع کی جانب سے اپنے اخراجات کا حساب رکھنے اور جانچ پڑتال کیلئے کرائے گئے آڈٹ میں ساتویں مرتبہ حکام یہ جاننے میں ناکام رہے ہیں کہ پنٹاگون نے 824 ارب ڈالرز کہاں خرچ کر دیے۔ تاہم، حکام پرامید ہیں کہ وہ اب اپنے مالی مسائل کو بہتر طور پر سمجھتے ہیں اور مستقبل میں بہتری کا امکان ہے۔ فنڈز کی جانچ پڑتال کے دوران، آڈیٹرز پنٹاگون کے کھاتوں کے متعلق مناسب قابل اعتماد معلومات حاصل نہیں کر پائے، جس کے باعث وہ یہ فیصلہ نہیں کر سکے کہ آیا مالیاتی ریکارڈ درست تھے یا نہیں۔ پنٹاگون کے مطابق محکمہ دفاع کے 28 اداروں میں سے ہر ایک کا علیحدہ آڈٹ ہوا تھا۔ پنٹاگون نے توقع ظاہر کی ہے کہ 2028ء تک شفاف اور مکمل آڈٹ کا ہدف مقرر کیا گیا ہے۔