غزہ میں تصدیق شدہ اموات میں 70 فیصد خواتین اور بچے ہیں، اقوام متحدہ

جنیوا : اقوام متحدہ کے انسانی حقوق کمیشن کا کہنا ہے کہ غزہ جنگ کے ابتدائی سات ماہ میں آٹھ ہزار ایک سو انیس شہادتوں کی تصدیق کی ہے جس میں ستر فیصد خواتین اور بچے ہیں۔ اقوام متحدہ کے انسانی حقوق کے دفتر نے 32 صفحات پر مشتمل رپورٹ جاری کی ہے۔ جو نومبر 2023 سے اپریل 2024 تک کے چھ ماہ کے عرصے پر محیط ہے۔ غزہ میں مرنے والے بچوں میں زیادہ تر تصدیق شدہ اموات پانچ سے نو سال کی عمر کے بچوں کی ہیں۔ انسانی حقوق کے ادارے کے سربراہ وولکر ترک نے کہا کہ یہ ضروری ہے کہ بین الاقوامی قانون کی سنگین خلاف ورزیوں کے الزامات کا معتبر اور غیرجانبدار عدالتی اداروں کے ذریعے جائزہ لیا جائے۔