خان یونس میں ایمبولینس پر حملے میں 7 فلسطینی شہید

غزہ: خان یونس میں اسرائیلی فوج نے ایمبولینس تباہ کردی۔ اسرائیلی فوج کے حملے میں سات فلسطینی شہید ہوگئے۔ خان یونس میں اسرائیلی فوج کی درندگی سے کوئی محفوظ نہیں ہے۔ شہر میں اسرائیلی فوج نے قتل و غارت کا بازار گرم کررکھا ہے۔ اسرائیلی فوج نے کئی عمارتوں کو مکینوں سمیت دھماکوں سے اڑادیا ہے۔ جس میں درجنوں فلسطینی شہید ہوگئے ہیں۔ شہر میں جاری آپریشن میں اب تک دوسو سے زائد فلسطینیوں کی شہادت کی تصدیق ہوچکی ہے۔ فلسطینی وزارت صحت نے خدشہ ظاہر کیا ہے کہ اموات کہیں زیادہ ہوسکتی ہیں۔
اسرائیلی فوج نے غزہ سٹی میں ایک گھر کو نشانہ بنایا ہے جس میں عورتوں اور بچوں سمیت سترہ فلسطینی شہید ہوگئے۔ دیرالبلاح اور المواصی میں اسرائیلی فوج نے گھروں کو نشانہ بنایا ہے جس میں ستائیس فلسطینی شہید ہوگئے ہیں.