بعلبک اور ہرمل پر حملے میں 52 لبنانی شہید، 72 زخمی

بیروت : جنوبی لبنان پر بھی صیہونی فوج کے حملے جاری ہیں۔ بعلبک اور ہرمل پر حملے میں 52 لبنانی شہید اور 72 زخمی ہو گئے۔صیہونی فضائی نے رہائشی مقامات پر رات بھر حملے جاری رکھے۔ احماذ۔ حربتہ۔ العلاق۔ طرائیہ۔ ایات اور لبوہ سمیت کئی مقامات کو حملوں کا نشانہ بنایا گیا۔ اسرائیلی فوج نے جنوبی لبنان، بیکا، اور بیروت کے جنوبی مضافاتی علاقوں کے ساتھ ساتھ دیگر علاقوں کو بھی اپنے بنیادی اہداف میں شامل کرلیا ہے۔
حزب اللہ نے بھی بھرپور جوابی کارروائیاں کی ہیں۔تیس سے زائد راکٹ اسرائیلی بستیوں اور تنصیبات پر داغ دئے۔ وسطیٰ اسرائیل کے شہر طیرہ میں ایک راکٹ عمارت پر لگنے سے گیارہ افراد زخمی ہوگئے۔ دوسرا راکٹ ہوشران میں گرنے سے انیس افراد زخمی ہوگئے صیہونی دفاعی نظام راکٹ روکنے میں ناکام ہوگیا۔
دوسری جانب حزب اللہ نے زمینی کارروائیوں میں بھی صیہونی فوج کو بھاری جانی و مالی نقصان پہنچایا ہے۔