Raza Musani 
انقرہ : پچاس سے زائد ممالک نے اقوام متحدہ پر زور دیا ہے کہ غزہ میں نسل کشی پر اسرائیل کیخلاف ہتھیاروں کی پابندی لگائی جائے۔ ترک وزارت خارجہ کا کہنا ہے کہ اس نے اقوام متحدہ کو ایک خط بھیجا، جس پر باون ممالک اور دو تنظیموں نے دستخط کیے ہیں۔ اس خط میں اسرائیل کو ہتھیاروں کی منتقلی روکنے پر زور دیا گیا ہے۔ جبوتی میں ایک نیوز کانفرنس کے دوران ترک وزیر خارجہ ہاکان فیدان نے خط کی تصدیق کی اور ان ممالک کو غزہ میں نسل کشی کا ذمہ دار ٹہرایا جو اسرائیل کو ہتھیار بھیجتے ہیں۔
