انڈونیشیا میں 5.6 شدت کے زلزلے سے تباہی، 162 افراد ہلاک، 700 سے زائد زخمی

جکارتہ : انڈونیشیا میں پانچ اعشاریہ چھ شدت کے زلزلے نے تباہی مچادی۔ 162 افراد ہلاک ،700 سے زائد زخمی ہوگئے۔انڈونیشین دارالحکومت جکارتہ میں آنے والے زلزلے کا مرکز مغربی جاوا کا علاقہ سیانجر تھا اور اس کی گہرائی 10 کلومیٹر تھی۔ زلزلے سے متعدد عمارتیں گرگئیں۔اور لوگ ملبے تلے دب گئے۔ ریسکیو اہلکاروں نے لاشوں اور زخمیوں کو نکال کر اسپتال منتقل کیا۔ زخمیوں میں سے کئی افراد کی حالت نازک ہے۔ جس کے سبب ہلاکتوں میں اضافے کا خدشہ ظاہر کیا جا رہا ہے۔زلزلے کے جھٹکوں سے عمارتیں لرزتی رہیں۔ یاد رہے کہ انڈونیشیا میں 2004 میں آنے والی تباہ کن سونامی کے نتیجے میں ایک لاکھ 20 ہزار افراد ہلاک ہو گئے تھے۔