شمالی غزہ میں 3 لاکھ افراد بھوک سے مر سکتے ہیں، انروا

جنیوا : اقوام متحدہ کے امدادی ادارے انروا نے خبردار کیا ہے کہ شمالی غزہ میں تین لاکھ فلسطینی بھوک سے مر سکتے ہیں۔
انروا کے مطابق شمالی غزہ کی ناکہ بندی کے باعث امدادی سامان کی ترسیل ناممکن ہوچکی ہے۔ اسرائیلی فوج امدادی کارکنوں کو شمالی غزہ جانے نہیں دے رہی جہاں تین لاکھ افراد پھنسے ہوئے ہیں اور غذائی اجناس نہ ہونے کی وجہ سے علاقے میں قحط کی سی صورتحال ہے۔اگر امداد نہ پہنچی تو تین لاکھ افراد بھوک و پیاس سے مرسکتے ہیں۔اقوام متحدہ نے عالمی برادری سے اپیل کی ہے کہ انروا کی امداد میں اضافہ کیا جائے۔