Raza Musani 
اسلام آباد: جنگ زدہ غزہ کے متاثرہ 140 میڈیکل طلبا اپنی تعلیم کے آخری دو سال پاکستان میں مکمل کریں گے۔ پاکستان ہائی کمیشن لندن نے طلبا کی فہرست داخلے کیلئے پاکستان میڈیکل اینڈ ڈینٹل کونسل کو بھجوا دی۔ طلبا کے تعلیمی اخراجات فلاحی ادارے برداشت کرینگے۔ طلبا اگلے تعلیمی سال سے اپنی میڈیکل کی تعلیم پاکستان میں مکمل کرسکیں گے۔ میڈیکل طلبا کو مختلف میڈیکل کالجز میں کارڈیالوجی، آرتھوپیڈکس،آنکولوجی، پیڈیاٹرکس اور سرجری کے شعبوں میں داخلے دیئے جائیں گے۔
