ہزارہ برادری کی ٹارگٹ کلنگز پر پولیس رپورٹ مسترد

سپریم کورٹ کی 2 ہفتوں کے اندر جامع رپورٹ جمع کروانے کی ہدایت
 کوئٹہ(نیوز ڈیسک) سپریم کورٹ نے ہزارہ برادری کی ٹارگٹ کلنگز اور لاپتا افراد سے متعلق پولیس رپورٹ کو غیر اطمینان بخش قرار دے دیا اور 2 ہفتوں کے اندر جامع رپورٹ جمع کروانے کی ہدایت کردی، چیف جسٹس گلزار احمد کی سربراہی میں جسٹس فیصل عرب اور جسٹس اعجاز الحسن پر مشتمل 3رکنی بینچ نے سڑکوں پر نان کسٹم پیڈ گاڑیاں چلانے، ہوائی فائرنگ اور بلوچستان میں غیر قانونی کارروائیوں کا نوٹس لے کر اس سلسلے میں قانونی کارروائی کا حکم دیا، مذکورہ رپورٹ کرائم برانچ کے سینئر سپرنٹنڈنٹ پولیس (ایس ایس پی) انویسٹیگیشن محمد اکبر رئیسانی سے جمع کروائی تھی،چیف جسٹس گلزار احمد نے تاسف کا اظہار کرتے ہوئے کہا کہ ‘آپ ایک پی ایس پی افسر ہیں اور آپ کو معلوم نہیں کہ تفتیش کس طرح کی جاتی ہے، آپ چاہتے ہیں کہ شکایت گزار آپ کے پاس آئے بجائے اس کے کہ آپ خود جا کر تفتیش کریں اور شواہد اکٹھے کریں، عدالت نے پولیس انکوائری رپورٹ مسترد کرتے ہوئے کہا کہ تمام افسران کو ان کے عہدوں سے برطرف کیا جانا چاہیے