گستاخانہ خاکے، میگزین کے دفترپر حملہ کے الزام میں 14افراد کو سزائیں

فرانس میںدفتر کے باہر چاقوزنی کرنیوالے سے تعلق پر مزید 4پاکستانی گرفتار
پیرس(نیوز ڈیسک) فرانس کی عدالت نے 2015 میں چارلی ہیبڈو میگزین پر حملے کے 14 سہولت کاروں کو 30 سال تک قید کی سزا سنادی ،2015 میں گستاخانہ خاکے شائع کرنے پر فرانسیسی میگزین کے دفتر پر حملہ کرکے ایڈیٹر اور کارٹونسٹ سمیت 12 افراد قتل کر دیئے گئے تھے، حملے میں مدد دینے پر 14 افراد پر مقدمہ دائر کیا گیا تھا، جس میں سے 11 افراد گرفتار ہیں،3 افراد مبینہ طور پرشام فرار ہو چکے ہیں،ادھر گذشتہ سال ستمبر میں مقدمہ کے آغاز پر دوبارہ گستاخانہ خاکے شائع کئے گئے اور تین ہفتے بعد ایک پاکستانی نے جریدے کے سابق دفاتر کے باہر چاقو سے حملہ کر کے 2افراد کوزخمی کر دیا تھا، حملہ آور سے تعلق پر رواں ہفتے پولیس نے مزید 4پاکستانیوں کو حراست میں لے لیا، جن کی عمریں 17 سے 21 سال کے درمیان ہیں،پولیس کے مطابق چاروں نوجوان حملہ آور کے ساتھ رابطے میں تھے ،ان چاروں کو منصوبے کا علم تھا اور انہوں نے اسے اس پر عمل درآمد پر اکسایا