کشمیر پربھارتی دعوے کی کوئی بنیاداورحقیقت نہیں،پاکستان

سفارتکاروں کو دورہ کرانے کی پیشکش گمراہ کرنے کی کوشش ہے
اسلام آباد(نیوز ڈیسک)دفترخارجہ نے کہا ہے کہ جموں کشمیر میں نام نہاد صورتحال ٹھیک ہونے کے بھارتی دعوے کی کوئی بنیاداورحقیقت نہیں، دنیا واضح دیکھ سکتی ہے کہ 18ماہ سے غیرانسانی فوجی محاصرہ جاری ہے،نئی دہلی میں تعینات سفارتکاروں کو غیرقانونی طورپر بھارت کے زیرقبضہ جموں وکشمیرکے ”دورہ“ کی بھارتی منصوبہ بندی عالمی برادری کو گمراہ کرنے کی کوششوں کا حصہ ہے، منصوبہ بندی پر مبنی ایسے دورے محض دھوکہ ہیں جن کا مقصد انسانی حقوق کی سنگین ترین پامالیوں سے عالمی برادری کی توجہ ہٹانا ہے اور ’حالات ٹھیک“ ہونے کا جعلی تاثر پیدا کرنا ہے۔