ڈاکٹر محمد علیؒ نے ہمیشہ میدان عمل میں رہنے کو ترجیح دی،علامہ ناصر عباس جعفری

شہید کے نظریات سے رہنمائی لے کر باطل کا مقابلہ کرنا ہو گا
لاہور (نیوز ڈیسک) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے کہا ہے کہ طاغوتی طاقتیں ہمیشہ ان شخصیات سے خائف رہی ہیں جودوسروں کو فکری طور پر بیدارکرنے اور فکر و شعور کی بلندی تک لے جانے کاہنر جانتی تھیں،ہماری قوم نے ایسے عظیم رہنما پیدا کیے جن پر ہم جتنا بھی ناز کریں کم ہے، ڈاکٹر محمد علی نقویؒ کا شمار انہی شخصیات میں ہوتا تھا، ڈاکٹر محمد علی نقویؒ شہید کی 25ویں برسی کے موقع پر اپنے تعزیتی بیان میں انہوں نے کہاکہ ڈاکٹر محمدعلی نقوی ؒنے عالم استکبار و استعمار کے اسلام دشمن طرز عمل کے خلاف ہمیشہ اپنی آواز بلند رکھی۔ وہ نظریات کے عملی اظہار کے لیے میدان عمل میں رہنے کو ترجیح دیتے۔آپ نے اپنے اقوال کو اپنے عمل سے ہمیشہ سچ کر کے دکھایا،انہوں نے کہا کہ دور عصر میں ہمیں شہید نقویؒ کے نظریات، تحرک اور بصیرت سے رہنمائی لے کر باطل قوتوں کا مقابلہ کرنا ہو گا۔