پاکستان کی مودی کو پھر مذاکرات سے تنازع کشمیر کے حل کی دعوت

کشمیری نئی دلی کو نہیں مانتے ،بھارت جنگ جیت ہی نہیں سکتا ،عمران خان
کوٹلی(نیوز ڈیسک )وزیر اعظم عمران خان نے بھارتی وزیر اعظم نریندرمودی کو ایک بار پھر مذاکرات سے تنازع کشمیر کے حل کی دعوت دیتے ہوئے کہا ہے کہ ہندوستان 5اگست 2019کے اقدام واپس لے اور کشمیریوں پر ظلم ختم کرے تو بات چیت ہوسکتی ہے ، کشمیرکا مسئلہ ظلم سے حل نہیں ہوگا،کشمیری نئی دلی کو مانتے ہی نہیں اس لئے میں ہندوستان سے کہتا ہوں کہ آپ وہاں جنگ جیت ہی نہیں سکتے ،امن کیلئے مذاکرات کی پیشکش کو ہماری کمزوری نہ سمجھا جائے، محمد کی غلامی کرنے والے کسی کے سامنے نہیں جھکتے‘اقوام متحدہ کی قراردادوں کے مطابق کشمیریوں کو حق خودارادیت دیا جائے ،وزیراعظم نے کشمیری عوام کو تیسرے آپشن کی پیشکش کرتے ہوئے کہاکہ کشمیریوں کو آزاد رہنے یا پاکستان کا حصہ بننے کا حق دیں گے