ٹرمپ نے عراقیوں کے قاتل فوجیوں کو معافی دے دی

 مرنے والوں کے حقوق کو نظرانداز کرنا انتہائی افسوسناک ہے،عراقی وزارت خارجہ
بغداد (نیوز ڈیسک) امریکی صدر ڈونلڈ ٹرمپ نے بغداد کے النسور اسکوائر قتل عام کے مجرموں کو معاف کردیا جس پر عراقیوں نے شدید رد عمل ظاہر کیا ہے، شہریوں کا کہنا ہے کہ جیسے عراقیوں کا خون، خون نہیں بلکہ پانی ہے ،امریکی عراقیوں کے خون کو کوئی اہمیت نہیں دیتے ، عراقی وزارت خارجہ کے جاری کردہ بیان کہا گیا ہے کہ اس فیصلے میں جرم کے خطرات اور نتائج پر توجہ نہیں دی گئی اور مرنے والوں کے حقوق کو سراسر نظرانداز کر دیا گیا ہے جو انتہائی افسوسناک ہے ، سفارتی ذرائع سے واشنگٹن کو اپنا فیصلہ واپس لینے پر مجبور کر دے گی