ملتان میں لاپتہ افراد کی بازیابی کیلئے احتجاجی مظاہرہ

اہلخانہ دربدر کی ٹھوکریں کھارہے ہیں کہیں شنوائی نہیں ہو رہی، علامہ اقتدار حسین
ملتان(نیوز ڈیسک)ملتان میں ایڈوکیٹ یافث نوید ہاشمی اور دیگرلاپتہ افراد کی بازیابی کیلئے پریس کلب کے سامنے احتجاجی مظاہرہ کیا گیا،مظاہرے کا اہتمام جوائنٹ ایکشن کمیٹی فار شیعہ مسنگ پرسنز نے کیا تھا،، مظاہرے میں یافث نوید ہاشمی کے بھائی قارب نوید اور دیگر اہلخانہ نے بھی شرکت کی، علامہ اقتدار حسین نقوی و دیگر رہنماوں نے خطاب کرتے ہوئے کہا کہ پانچ ماہ سے لاپتہ یافث نوید ہاشمی ایڈووکیٹ کی بازیابی کیلئے ان کے اہلخانہ دربدر کی ٹھوکریں کھانے پر مجبور ہیں، لیکن کہیں سے بھی کوئی شنوائی نہیں ہو رہی، وزیر خارجہ مخدوم شاہ محمود حسین قریشی اپنے ہی علاقے ملتان سے تعلق رکھنے والے یافث نوید ہاشمی کی فی الفور بازیابی کو یقینی بنائیں، انہوں نے چیف جسٹس آف پاکستان، وزیر خارجہ اورحکومت سے مطالبہ کیا کہ یافث نوید ہاشمی ایڈووکیٹ سمیت دیگر لاپتہ افراد کی بازیابی کے لئے اقدامات کو یقینی بنائیں۔