مدارس کی آزادی و خود مختاری پر سمجھوتہ نہیں ہوگا ، وفاق المدارس الشیعہ

 اسلامیات کے نصاب میں تجاویز شامل نہ ہوئیں تو کمیٹی سے نکل جائیں گے، علامہ افضل حیدری
 لاہور( پ ر ) وفاق المدارس الشیعہ پاکستان کے صدر علامہ حافظ سید ریاض حسین نجفی نے واضح کیا ہے کہ مدارس دینیہ کی آزادی اور خود مختاری پر سمجھوتہ نہیں کیا جائے گا۔انہوں نے کہا کہ مکتب اہل بیت ؑغیر ضروری محاذ آرائی کے حق میں نہیں، وفاق المدارس الشیعہ نے ہمیشہ حکومت سے کئے گئے معاہدوں پر عمل کیا ، مکتب تشیع نے وطنِ عزیز کی بنا اور بقاءمیں تاریخی کردار ادا کیا اور کرتا رہے گا،علامہ محمد افضل حیدری نے حکومتی رویے پر افسوس کا اظہار کرتے ہوئے کہا کہ ہم نے یکساں نصاب تعلیم میںنئی حکومت سے مکمل تعاون کیا۔ اسلامیات کے نصاب میں ہماری تجاویز شامل نہ کی گئیں تو سرکاری کمیٹی کی رکنیت پر نظر ثانی کریں گے۔رجسٹریشن سمیت تمام امور حکومتی رویے کی وجہ سے التواءکا شکار ہیں