قومی اتحاد فلسطینیوں کی اہم ترین ذمہ داری ہے،عمار الحکیم

 وقت گزرنے کے ساتھ ساتھ مسئلہ فلسطین کبھی پرانا نہیں ہو گا،فلسطینی وزیر خارجہ سے گفتگو
بغداد(نیوز ڈیسک) فلسطینی وزیر خارجہ ریاض المالکی نے بغداد میں عراقی سیاسی رہنما اور حکمتِ ملی کے سربراہ سید عمار الحکیم سے ان کے دفتر میں ملاقات کی،عمار الحکیم نے غاصب صیہونی حکومت کے خلاف غزہ جنگ میں فلسطینی قوم کو حاصل کامیابی کو شاندار فتح قرار دیتے ہوئے فلسطینی قوم کو مبارکباد پیش کی، سید عمار الحکیم نے غاصب صیہونی حکومت کو تمام اختلافات کا سرچشمہ قرار دیتے ہوئے اس کامیابی کو قومی وحدت کے لئے استعمال کرنے اور تمام اندرونی جھگڑے بھلا دینے کی ضرورت پرز ور دیا انہوں نے کہا کہ وقت گزرنے کے ساتھ ساتھ مسئلہ فلسطین کبھی پرانا نہیں ہو گا ، اپنے حقوق کے حصول کی خاطر فلسطینی عوام کی سب سے اہم ذمہ داری؛ اندرونی محاذ کو مضبوط بنانا اور تمام فلسطینی مزاحمتی قوتوں کے ساتھ وسیع تعاون کرنا ہے