فوج ہر قسم کے چیلنج سے نمٹنے کو تیار ہے،جنرل باجوہ

انسداد دہشت گردی جنگ کے نتائج امن کی صورت میں نکلیں گے
اسلام آباد (نیوز ڈیسک) آرمی چیف جنرل قمر جاوید باجوہ نے کہا ہے کہ دہشت گردی کے خلاف جنگ کے نتائج خطے میں امن کی صورت میں نکلیں گے، دہشتگردی سے سیاحت تک کے سفر میں قوم کی مکمل حمایت حاصل رہی، فوج ملک کی خود مختاری کو درپیش چیلنجوں سے نمٹنے کیلئے تیار ہے۔ ان خیالات کا اظہار انہوں نے دہشت گردی کیخلاف شروع کئے گئے آپریشن ردالفساد کے تین برس مکمل ہونے پر اپنے ایک بیان میں کیا، جنرل قمر جاوید باجوہ نے کہا کہ افواج پاکستان ملکی خودمختاری اور سیکیورٹی کو درپیش چیلنجوں سے نمٹنے کے لئے تیا ر ہے،دہشت گردی کے مکمل خاتمے سے پاکستان اور خطے میں امن و استحکام آئے گا،انسداد دہشت گردی کی دو دہائیوں کی کامیابیوں کو مستحکم کرنے کی ضرورت ہے۔