فلسطین میں مظالم، بارسلونا نے صیہونی حکومت سے تعلقات منقطع کرلئے

میڈرڈ: اسپین کے شہر بارسلونا نے فلسطینیوں کیخلاف مظالم پر صیہونی حکومت سے تعلقات منقطع کرلئے۔ بارسلونا کی بائیں بازو کی میئر اڈا کولاؤ نے اسرائیلی وزیر اعظم بنیامین نیتن یاہو کو خط لکھ کر تعلقات منقطع کرنے کا اعلان کیا۔ فلسطینیوں کے انسانی حقوق کی منظم خلاف ورزی ختم کرنے تک تعلقات معطل رہیں گے۔ انہوں نے لکھا اسرائیلی ریاست اور اس کے سرکاری اداروں کے ساتھ تعلقات عارضی طور پر معطل کرنے کا فیصلہ کیا ہے – جس میں تل ابیب سٹی کونسل کے ساتھ جڑواں معاہدات بھی شامل ہیں – جب تک کہ اسرائیلی حکام فلسطینی عوام کی خلاف ورزیوں کے نظام کو ختم نہیں کر دیتے اور بین الاقوامی قانون اور اقوام متحدہ کی مختلف قراردادوں کے ذریعے ان پر عائد کردہ ذمہ داریوں کی مکمل تعمیل نہیں کرتے، ہم خاموش نہیں رہ سکتے۔