خود ساختہ اسرائیلی حکومت نے مقبوضہ علاقوں میں صہیونی تارکین وطن کے لیے 800 نئے مکانات تعمیرکرنے کی منظوری دے دی ہے۔ ذرائع ابلاغ کے مطابق مقبوضہ مغربی کنارے میں پہلے ہی ساڑھے 4 لاکھ صہیونیوں کو لاکر بسایا جا چکا ہے۔ نتن یاہو نے متعلقہ حکام کو ہدایت کی کہ مکانات کی تعمیر کی منظوری دینے میں قطعاً دیر نہ کی جائے۔
تجزیہ کاروں کا کہنا ہے کہ اسرائیل نواز امریکی صدر ڈونلڈ ٹرمپ کے منصب کی مدت پوری ہونے میں صرف چند روز باقی رہ گئے اور صہیونی وزیر اعظم امریکی حلیف کے جانے سے قبل متنازع اقدامات کر گزرنا چاہتے ہیں ۔
نتن یاہو کے دفتر سے جاری بیان میں کہا گیا ہے کہ یہودا اور سامرہ میں فلسطینیوں کی غصب شدہ زمینوں پر صہیونی تارکین وطن کے لیے مزید 800 نئے رہایشی مکانات کی تعمیر کے منصوبے پر طے شدہ وقت سے پہلے ہی کام شروع کر دیا جائے۔
