علامہ راجہ ناصر سمیت 5 رہنماو ¿ں پر چنیوٹ میں داخلہ کی پابندی

پانچوں شخصیات کے چنیوٹ میں داخلے سے نقص امن کا خطرہ ہے، ڈپٹی کمشنر
چنیوٹ (نیوز ڈیسک) ڈپٹی کمشنر چنیوٹ محمد ریاض نے مجلس وحدت مسلمین پاکستان کے سربراہ علامہ راجہ ناصر عباس، امامیہ اسٹوڈنٹس آرگنائزیشن پاکستان کے مرکزی صدر عارف حسین الجانی، ممتاز عالم دین علامہ شبیر بخاری، ایم ڈبلیو ایم پنجاب کے سیکرٹری جنرل علامہ عبدالخالق اسدی اور علامہ سید حسن مہدی کاظمی کے چنیوٹ داخلے پر پابندی عائد کر دی ہے، چنیوٹ کی ضلعی انتظامیہ کی جانب سے جاری ہونیوالے نوٹیفکیشن کے مطابق ڈی پی او چنیوٹ کے مراسلے کے مطابق مذکورہ پانچوں شخصیات کے ضلع چنیوٹ میں داخلے پر پابندی عائد کی جاتی ہے مراسلے میں کہا گیا ہے کہ مذکورہ پانچوں شخصیات کے چنیوٹ میں داخلے سے نقص امن کا خطرہ ہے