عزاداری میں رکاوٹ ازادی سلب کرنے کی کوشش ہے

کچھ نادیدہ طاقتیں پاکستان کو مسلکی ریاست میں بدلنا چاہتی ہیں ، علامہ راجہ ناصر عباس
اسلام ا?باد(نیوزڈیسک )سربراہ مجلس وحدت مسلمین پاکستان علامہ راجہ ناصر عباس جعفری نے کہا ہے کہ عزاداری ہماری عبادت ہے،ہمیں عزاداری سے روکنے کیلئے دباوَ کا شکار کرنے کی کوشش نہ کی جائے، مرکزی و صوبائی رہنمائ وں کے ہمراہ مرکزی سیکر یٹریٹ میں نیوز کانفرنس سے خطاب میں علامہ راجہ ناصر عباس نے کہا کہ عزاداری ہماری عبادت ہے جس میں رکاوٹ پیدا کرنا مذہبی ا?زادی کے حق کو سلب کرنے کی کوشش ہے، کچھ نادیدہ طاقتیں قائد اعظم کی اسلامی ریاست کو مسلکی ریاست میں بدلنا چاہتی ہیں ،انتہا پسند طبقے کی کوشش ہے کہ قائد اعظم کے نظریاتی بیانیے سے عوام کو منحرف کر کے شدت پسندی کو تقویت دی جائے ،انہوں نے کہا کہ گزشتہ تین دہائیوں کے دوران ہزاروں بیورکریٹس، ماہرین ،ڈاکٹرز، پروفیسرز اور پڑھے لکھے نوجوان شدت پسندی کی بھینٹ چڑھ چکے ہیں ، فرقہ واریت اور مذہبی منافرت کا مقابلہ اتحاد و اخوت سے کیا جائے گا،شیعہ سنی بھائیوں نے یہ ملک مل کر بنایا تھا اس کی سالمیت و بقا کی جنگ بھی مل کر لڑنا ہو گی