عازمین حج کو 2جولائی سے رقوم واپسی کا فیصلہ

حج واجبات کی نقد واپسی کیلئے درخواست گزار کا بینک آنا ضروری ہے
اسلام آباد (نیوز ڈیسک) سعودی حکومت کے محدود حج کے اعلان کے بعد تمام عازمین کو رقوم واپس کرنے کا حتمی فیصلہ کر لیا گیا ، ترجمان وزارت مذہبی امور کے مطابق سعودی حکومت کے حالیہ فیصلے کی روشنی میں تمام عازمینِ حج کو رقوم واپس کی جائیں گی، حج واجبات کی واپسی کا سلسلہ 2 جولائی سے ملک بھر کے نامزد بینکوں سے شروع ہو گا، تمام درخواست گزاروں کو بذریعہ ایس ایم ایس اطلاع کی فراہمی شروع کر دی گئی ہے، ترجمان وزارت مذہبی امور کے مطابق حج واجبات کی نقد واپسی کیلئے درخواست گزار کا بینک آنا ضروری ہے، واجبات بذریعہ بینک چیک لینے کیلئے صرف گروپ لیڈر کو تمام افراد کی اصل دستاویز کے ہمراہ بینک آنا ہو گا، جبکہ متعلقہ بینک برانچ کی بندش کی صورت میں دوسری نامزد کردہ برانچ سے رقوم کی ادائیگی ہو سکے گی۔