شام: امریکی آلہ کاروں کے زیر کنٹرول 2 علاقے آزاد

 کرد ڈیموکریٹک فورس کا قبضہ چھڑانے کیلئے دوبارہ حملہ،بچہ جاں بحق
دمشق (نیوز ڈیسک) شامی فوج نے صوبے الحسکہ میں امریکی حمایت یافتہ کرد ڈیموکریٹک فورس کے قبضے سے 2 علاقوں کو آزاد کرا لیا، القامشلی شہر کے حلکو کے دو علاقوں پر کرد ڈیموکریٹک فورس نے طویل عرصے سے قبضہ کررکھا تھا،قبضہ واپس حاصل کرنے کیلئے کرد ڈیموکریٹک فورس نے القامشلی شہر میں دوبارہ بھاری ہتھیاروں سے حملہ کیا جس کے نتیجے میں ایک بچہ جاں بحق اور 2 افراد زخمی ہوئے، شامی فوج نے حملہ آوروں کو پیچھے دھکیل دیا۔