سلامتی کونسل میں سینچری ڈیل کیخلاف قرارداد واپس

منظوری کیلئے کونسل کے 15میں سے نو ارکان کی حمایت درکار تھی جو نہ مل سکی
نیویارک(نیوز ڈیسک)اقوام متحدہ کی سلامتی کونسل میں سینچری ڈیل کیخلاف قرارداد واپس لے لی گئی، یہ قرارداد انڈونیشیا اورتیونس نے متعارف کرائی تھی اور اس کی منظوری کیلئے کونسل کے پندرہ میں سے نو ارکان کی حمایت درکار تھی،لیکن اسے مطلوبہ حمایت نہیں مل سکی، جبکہ اس بات کا قوی امکان تھا کہ امریکا اس کو ویٹو کردے گا،ادھر قرارداد پیش کرنے میں وزارت خارجہ سے مشاورت نہ کرنے پر تیونس نے اقوام متحدہ میں اپنے مستقل مندوب کو برطرف کردیا۔