ذاکرین نے نئی تنظیم امامیہ اسپیکرز پاکستان قائم کرلی

تنظیم کے سربراہ آصف علوی کی زلفی بخاری سے ملاقات
لاہور (نیوزڈیسک) ذاکرین نے اپنے حقوق اور ملت کے معاملات کیلئے امامیہ اسپیکرز پاکستان کے نام سے نئی تنظیم قائم کر لی، تنظیم کی کابینہ میں علامہ ریاض رضوی، علامہ آصف علوی، ذاکر قاضی وسیم عباس، ذاکر وسیم عباس بلوچ، عمران مظاہری اور ذاکر منتظر مہدی شامل ہیں، تنظیم کے سربراہ آصف علوی نے لاہور میں وزیراعظم کے معاون خصوصی زلفی بخاری سے ملاقات کی، اور انہیں پنجاب اسمبلی میں پاس ہونیوالے متنازع بل کے حوالے سے آگاہ کیا، زلفی بخاری نے بتایا کہ وہ ملت جعفریہ کے تحفظات گورنر پنجاب تک پہنچا چکے ہیں،زلفی بخاری کا کہنا تھا کہ ملک میں کوئی بھی متنازع بل کسی بھی فرقے یا مذہب کیخلاف پاس نہیں ہوسکتا، آصف علوی نے اپنی نئی تنظیم کا تعارف کرواتے ہوئے بتایا کہ ہم ملت کو متحد کرنے کیلئے کوشاں ہیں اور علماءو ذاکرین کے درمیان جو ایک خلا ہے، اسے ختم کرکے وحدت کی فضا قائم کی جائے گی