دیالہ میں داعش کی باقیات کے خلاف آپریشن کا آغاز

کارروائی داعش کی باقیات کے مکمل خاتمے تک جاری رہے گی
بغداد (نیوز ڈیسک) عراقی فورسز نے صوبہ دیالہ کے مشرقی نواحی علاقوں میں داعش کی باقیات کے خلاف آپریشن کا آغاز کر دیا ہے،یہ آپریشن جنوبی بعقوبہ کے دیہات پر راکٹ حملے کے بعد شروع کیا گیا،ان حملوں میں کسانوں اور چرواہوں کی املاک اور جانوروں کو نقصان پہنچا ہے ، دیالہ کے علاقے خانقین میں عراقی فضائیہ اور ایرواسپیس کے تعاون و حمایت سے کارروائی شروع کی گئی، مشترکہ کارروائی کا مقصد خانقین کے علاقے زور الاصلاح سے داعش دہشت گرد گروہ کے باقی بچے عناصر کا صفایا کرنا ہے، یہ کارروائی داعش کی باقیات کے مکمل خاتمے تک جاری رہے گی۔