دہشت گردی کچل دی، خودکش حملوں کا خاتمہ کردیا(ترجمان پاک فوج)

 ٓآپریشن رد الفساد میں 3 لاکھ 71 ہزار سے زائد آپریشن کیے ، آپریشن سے سیکیورٹی صورتحال مجموعی طور پر بہتر ہوئی، خودکش حملوں میں 97 فیصد واضح کمی آئی
بھارتی دہشتگردی کے ثبوت دنیا کے سامنے پیش کیے، بھارتی خلاف ورزیوں کا ہمیشہ بھرپور جواب دیا، دشمن قوتیں ہمیں تقسیم کرنے کی کوشش میں ہیں
 راولپنڈی (نیوز ڈیسک)پاک فوج کے ترجمان میجر جنرل بابر افتخار نے کہا ہے کہ ٓاپریشن رد الفساد میں 3 لاکھ 71 ہزار سے زائد آپریشن کیے، دہشت گردی کیخلاف آپریشن سے سیکیورٹی صورتحال مجموعی طور پر بہتر ہوئی، خودکش حملوں میں 97 فیصد واضح کمی آئی، اندرونی و بیرونی خطرات کا بہادری کے ساتھ مقابلہ کیا، کراچی میں دہشتگردی میں 95 فیصد اور اغوا برائے تاوان میں 98 فیصد کمی آئی، کراچی کا کرائم انڈیکس چھٹے سے 103 پر ہے، سرحدی علاقے میں دہشتگرد ی 55 فیصد کم ہوگئی،ترجمان پاک فوج نے کہا کہ پاکستان میں بھارتی دہشتگردی کے ثبوت دنیا کے سامنے پیش کیے، بھارت کیخلاف ای یو ڈس انفارمیشن لیب کے ذریعے شواہد سامنے آچکے، 70 سے زائد ممالک کے ساتھ خفیہ معلومات شیئر کی گئیں، جعلی نیٹ ورک میں جعلی این جی اوز بھی شامل تھیں، فیک این جی اوز کے ذریعے پاکستان کیخلاف سیمینار کیے گئے، بھارت نے کشمیر کے محاذ پر اپنی جارحیت کو چھپایا، دشمن قوتیں ہمیں تقسیم کرنے کی کوشش میں ہیں، پاکستانی میڈیا نے بھارتی پروپیگنڈے کو بے نقاب کیا، پاک فوج نے بھارتی خلاف ورزیوں کا ہمیشہ بھرپور جواب دیا، بھارت نے 2019 میں سب سے زیادہ سیز فائر معاہدے کی خلاف ورزیاں کیں۔