جرمنی سے امریکی ایٹمی ہتھیاروں کو ہٹانے کی مہم

ہتھیاروں کی موجودگی سے سلامتی کو نقصان پہنچ رہا ہے،حکمراں اتحادی جماعت
برلن (نیوز ڈیسک)جرمنی سے امریکی ایٹمی ہتھیار ہٹانے کے معاملے پرسیاستدانوں میں شدید اختلافات پیدا ہو گئے ہیں ، حکومت میں شامل سوشل ڈیموکریٹ پارٹی کے اراکین نے ملک سے امریکا کے تمام ایٹمی ہتھیاروں کو ہٹانے کی ضرورت پر زور دیا ہے،ایس ڈی پی کے پارلیمانی لیڈر رولف مویٹنزچ نے کہا کہ امریکی ایٹمی ہتھیاروں کی موجودگی سے ملکی سلامتی کو تقویت ملنے کے بجائے نقصان پہنچ رہا ہے، وقت آگیا ہے کہ حکومت، امریکی ہتھیاروں اور فوجی اڈوں کو ختم کرنے کے بارے میں فیصلہ کرے ،تاہم حکومت نے واضح کیا ہے کہ امریکی ایٹمی ہتھیار ملکی دفاع سے متعلق نیٹو کے اقدامات کی پابندی کا حصہ ہیں۔