تحفظ بنیاد اسلام بل کیخلاف کراچی پریس کلب پر مظاہرہ

کالعدم تنظیم کا متنازعہ بل ملکی ساکھ تباہ کرنے کی سازش ہے،مقررینکراچی(نیوز ڈیسک)پنجاب اسمبلی سے منظور کردہ نام نہاد تحفظ بنیاد اسلام بل کے خلاف تحریک نفاذ فقہ جعفریہ پاکستان کے سربراہ علامہ سید حامد علی شاہ موسوی کی اپیل پر کراچی پریس کلب کے باہر احتجاجی مظاہرہ کیا گیا،جس کی قیادت ٹی این ایف جے سندھ کے صدر علامہ سید اصغرعلی نقوی نے کی، اس موقع پر علما کرام سمیت شرکا کی بھی بڑی تعداد موجود تھی اپنے خطاب میں ٹی این ایف جے کے رہنماوں نے کہا کہ پاکستان ایف ٹی اے ایف کی گرے لسٹ سے نکلنے کی جدوجہد کر رہا ہے، ایسے موقع پر کالعدم تنظیم کا متنازعہ بل ملکی ساکھ تباہ کرنے کی سازش ہے، بل کے مضمرات علیہ السلام تک محدود نہیں، مذہبی و انسانی آزادیاں خطرے سے دوچار ہیں، نہج البلاغہ سے غنی الطالبین تک شیعہ سنی کتب کی ضبطگی کی راہ ہموار کی جارہی ہے، بل کی رو سے میلاد مصطفی صلی اللہ علیہ وا لہ وسلم اور مجالس عزا کے اشتہارات تک کو متنازعہ بنادیا گیا ہے۔