بھارت سے مذاکرات میں ہچکچاہٹ نہیں ،پاکستان

 ایڈونچر کی صورت میں جواب دینے کی صلاحیت رکھتے ہیں،دفترخارجہ
اسلام آباد (نیوز ڈیسک )پاکستان بھارت سے مذاکرات میں ہچکچاہٹ نہیں رکھتا لیکن ایڈونچر کی صورت میں جواب دینے کی صلاحیت رکھتے ہیں، بامقصد اور نتیجہ خیز مذاکرات کیلئے بھارت کو مناسب ماحول پیدا کرنا ہوگا، اس حوالے سے تیسرے فریق کی ثالثی درست ہوگی ،ان خیالات کا اظہار وزارت خارجہ کے ترجمان زاہدحفیظ چوہدری نے پریس بریفنگ میں کیا، ان کا کہنا تھا کہ دونوں ممالک جموں و کشمیر مسئلہ کے عالمی قوانین کے مطابق حل کے لئے مثبت بات کریں، بامقصد اور نتیجہ خیز مذاکرات کیلئے بھارت کو مناسب ماحول پیدا کرنا ہوگا،پاکستان سمجھتا ہے کہ اس حوالے سے تیسرے فریق کی ثالثی درست ہوگی، پاک بھارت بات چیت جب بھی ہوئی اس کا مرکزی موضوع کشمیر تنازع کا حل ہوگا،ہماری امن کی خواہش بھارت کی طرف سے بالاکوٹ مس ایڈونچر کے بعد پائلٹ کی واپسی سے ظاھر ہے