برطانیہ: جہادی اور اسلامی دہشت گردی کی اصطلاح ختم

 مغرب میں اسلاموفوبیا بڑی حد تک کم ہو جائے گا،جامعہ الازہر کا خیرمقدم
 لندن (نیوز ڈیسک) برطانوی پولیس نے اسلامی دہشت گردی اور جہادی کی اصطلاح ختم کرنے کا فیصلہ کیاہے ، ان تبدیلیوں کی درخواست مسلم پولیس تنظیم کی جانب سے کی گئی تھی ، جس میں کہا گیا تھا کہ "اسلام پسند” اور "جہادی” کے الفاظ کا سرکاری استعمال منفی تاثر پیدا کرتا ہے اور اس سے امتیازی سلوک اور اسلامو فوبیا کو ہوا ملتی ہے، اسسٹنٹ کمشنر نے تجویز دی ہے کہ جہادی کی جگہ اسامہ کے نظریات کا پیروکار ،مذہبی دعووں سے بھرپور دہشت گردی اور مذہبی محرکات کو غلط استعمال کرنے والے دہشت گرد کے الفاظ استعمال کئے جائیں ، جامعہ الازہر نے فیصلہ کا خیرمقدم کیا ہے اور کہا ہے کہ ایسا کرنے سے مغربی معاشرے میں اسلاموفوبیا بڑی حد تک کم ہو جائے گا