ایم ڈبلیو ایم کو گلگت بلتستان اسمبلی میں مزید دو نشستیں مل گئیں

امام جمعہ علامہ شیخ اکبر علی رجائی اور کنیز فاطمہ پی ٹی آئی کے ٹکٹ پر کامیاب
گلگت (نیوز ڈیسک) مجلس وحدت مسلمین پاکستان کی کامیاب سیاسی حکمت عملی کی بدولت گلگت بلتستان میں ا یک اور بڑی کامیابی حاصل ہوگئی، ایم ڈبلیوایم کے دو ارکان تحریک انصاف کے ٹکٹ پرخواتین اور ٹیکنوکریٹ کی نشست پر کامیاب ہوگئے ، چیف الیکشن کمشنر گلگت بلتستان نے ایم ڈبلیوایم ضلع کھرمنگ کے سیکریٹری جنرل اور امام جمعہ علامہ شیخ اکبر علی رجائی اور ایم ڈبلیوایم شعبہ خواتین بلتستان کی رہنما محترمہ کنیز فاطمہ کی کامیابی کا نوٹیفکیشن جاری کردیا ، مجموعی طورپر گلگت بلتستان اسمبلی میں ایم ڈبلیوایم کے اراکین کی تعداد تین ہوگئی ہے، تحریک انصاف نے 6 میں سے 4 خواتین کی مخصوص نشستیں حاصل کیں جبکہ پاکستان مسّلم لیگ ن اور پاکستان پیپلز پارٹی نے ایک ایک نشست حاصل کی، ٹیکنو کریٹ کی دو نشستیں پی ٹی آئی اور ایک پیپلز پارٹی کو ملی