ایران کے احتجاج پر کویتی حکام نے معذرت کرلی

ایران مخالف کانفرنس کے ذمہ داروں کیخلاف کارروائی کی یقین دہانی
کویت سٹی /تہران)نیوز ڈیسک) ایران کے احتجاج پر کویت نے علیحدگی پسندگروپ کی میزبانی پر معذرت کرلی،کویتی نائب وزیر خارجہ خالد الجرالح نے ایرانی سفیر محمد ایرانی سے ملاقات کی اور کہا کہ کویت ایران کی علاقائی سالمیت کا احترام کرتا ہے، اس کی خارجہ پالیسی خودمختاری کے احترام، داخلی امور میں عدم مداخلت اور اچھی ہمسائیگی پر مبنی ہے،ہمیں ایران مخالف گروپ کی کانفرنس پر افسوس ہے،یہ متعلقہ حکام کی اجازت کے بغیر منعقد کی گئی،اس کے ذمہ داروں کے خلاف کارروائی کی جائے گی،اس سے پہلے ایرانی وزارت خارجہ نے کویتی ناظم الامور کو طلب کرکے اہواز کی ایران سے علیحدگی کیلئے سرگرم گروپ کی کانفرنس کی میزبانی پر احتجاج کیا تھااور کہا گیا کہ کویت کا یہ اقدام ایران کے امور میں مداخلت اور اچھی ہمسائیگی کے خلاف ہے۔