ایران: انقلاب اور ولی امر مسلمین تجدید عہد کیلئے شاندار ریلیاں

ولی امر مسلمین کے فرمودات پر عمل کرنا ہی عزت و شرف کا باعث ہے،شرکا کا عزم
تہران(نیوز ڈیسک)ایران میں یوم بصیرت کے موقع پر سبھی چھوٹے بڑے شہروں میں اسلامی نظام، انقلاب اور ولی امر مسلمین آیت اللہ سید علی خامنہ ای سے وفاداری اور تجدید عہد کے لئے شاندار ریلیاں نکالی گئیں، ریلیوں میں شریک مرد و زن پیر وجواں حتی بچے سبھی اپنے ہاتھوں میں ایسے پلے کارڈ اٹھائے ہوئے تھے جن پر نعرے درج تھے کہ ہم سب رہبرکے وفادار ہیں اور30 دسمبرکا دن مظہر بصیرت ہے, ریلیوں کے دوران امریکا مردہ باد، اسرائیل مردہ باد کے نعروں سے بھی ایران کی فضا گھنٹوں گونجتی رہی،شرکا نے ہم آواز ہو کر اعلان کیا کہ ولی امر مسلمین کے فرمودات پر عمل کرنا ہی عزت و شرف کا باعث اور فتنوں اور مشکلات پر قابو پانے کا واحد ذریعہ ہے۔