افغان فریقین سے جنگ بندی پر مذاکرات پر زور

فریقین اختلافات اور تشدد میں کمی کیلئے مل کر کام کریں ،ماسکو کانفرنس
ماسکو(نیوز ڈیسک) روس، امریکا، چین اور پاکستان نے افغان فریقین سے جنگ بندی پر فوری مذاکرات کا مطالبہ کردیا، ماسکو امن کانفرنس کے مشترکہ اعلامیہ میں کہا گیا ہے کہ بین الافغان مذاکرات میں امن کے لیے اہم نکات پر بات چیت کا آغاز کیا جائے، افغان فریقین اختلافات اور افغانستان میں تشدد میں کمی کیلئے مل کر کام کریں ،ا ±دھر نیٹو سیکریٹری جنرل اسٹولٹن برگ کا کہنا ہے افغانستان میں سیکیورٹی کی صورتحال مشکل ہے، نیٹو اراکین امن عمل میں تازہ توانائی ڈالنے کی کوششوں کی بھر پور حمایت کرتے ہیں ، افغانستان کوئی آسان انتخاب نہیں ، امن کے لئے تمام اختیارات کھلے ہیں