اب کسی کو لاپتہ نہیں ہونے دیں گے، چیف جسٹس

لاپتہ افراد کے معاملے میں اب عدالت اپنا کردار ادا کرے گی
کوئٹہ (نیوز ڈیسک) چیف جسٹس جسٹس گلزار احمد نے کہا ہے کہ اب کسی کو لاپتہ نہیں ہونے دیں گے، لاپتہ افراد کے معاملے میں اب عدالت اپنا کردار ادا کرے گی،جسٹس گلزار احمد نے ایک تقریب سے خطاب میں کہا کہ لاپتہ افراد کا معاملہ پورے پاکستان کا معاملہ ہے، لاپتہ افراد کے حوالے سے کمیشن بھی قائم ہے اور لاپتہ افراد کے معاملے میں عدالت اپنا کردار ادا کرے،ان کا کہنا تھا کہ کوشش ہوتی ہے بلوچستان کے کیسز جلد نمٹائیں، بلوچستان کے آئینی حقوق پر کوئی سمجھوتہ نہیں ہوگا، عدالت کے معاملات میں کوئی مداخلت نہیں ہو رہی ہے، عدالت آزادانہ فیصلے کرتی ہے