گلگت بلتستان انتخابات میں فوج کی مدد نہیں لی جائیگی

 وزیر اعظم سمیت تمام حکومتی عہدیداروں کے دورے پر پابندی
گلگت ( نیوز ڈیسک)نگراں وزیر اعلیٰ گلگت بلتستان میر افضل نے کہا ہے کہ انتخابات میں فوج کی مدد نہیں لی جائیگی، الیکشن میں صرف پیرا ملٹری فورسز اور پولیس کی مدد لی جائیگی اور ثابت کرینگے کہ پولیس اور پیرا ملٹری فورسز الیکشن کرانے کی پوری صلاحیت رکھتے ہیں،گلگت میں پریس کانفرنس کرتے ہوئے میر افضل نے کہا کہ نگران حکومت غیر جانبدار ہے، حساس حلقے میں فوج کی تعیناتی حالات کے مطابق عمل میں لائی جاسکتی ہے، الیکشن کمیشن نے اسمبلی الیکشن تک وزیر اعظم سمیت تمام حکومتی عہدیداروں کے دورے پر پابندی عائد کر دی۔ چیف الیکشن کمشنر راجا شہباز نے کہا کہ قانونی طور پر الیکشن کمیشن ضابطہ اخلاق کے مطابق کوئی حکومتی عہدیدار گلگت بلتستان نہیں آ سکتا اور نہ انتخابی مہم چلانے کی اجازت ہے۔