گلگت بلتستان الیکشن،اسلامی تحریک کے امیدواروں کے ناموں اعلان

8حلقوں سے حصہ لیں گے، عوام کامیاب بنائیں گے ، علامہ عارف واحدی
اسلام اباد(نیوز ڈیسک) اسلامی تحریک پاکستان نے گلگت بلتستان قانون ساز اسمبلی کے 8حلقوں سے امیدواروں کا اعلان کردیا ،یہ فیصلہ علامہ عارف حسین واحدی کی زیر صدارت اسلامی تحریک کے پارلیمانی بورڈ کے اجلاس میں کیا گیا ،فہرست کے مطابق گلگت 1 سے سید مصطفیٰ شاہ، گلگت 2 سے فقیر شاہ، گلگت 3 سے ضیا الدین ایڈووکیٹ، نگر 1 سے محمد باقر شیخ، اسکردو 1 سے محمد عباس ایڈووکیٹ، اسکردو 2 سے محمد شبیر حافظی، اسکردو 4 سے کیپٹن (ر) محمد علی سکندر اور کھرمنگ سے محمد علی خان کاچو انتخابات میں حصہ لیں گے پارلیمانی بورڈ نے اس توقع کا اظہار کیا کہ گلگت بلتستان کی غیور اور باشعور عوام ماضی کی طرح اس بار بھی اسلامی تحریک پاکستان کا بھرپور ساتھ دیں گے اور ا?ئی ٹی پی کے امیدواروں کی کامیابی کو یقینی بنائیں گے