چین میں مریضوں اور طبّی عملے کی یاد میں ایک روزہ سوگ

کاروں، ٹرین، بحری جہازوں اور ایئر ریڈ کا سائرن بجا کر خراج عقیدت
راولپنڈی(نیوز ڈیسک)چین میں کورونا وائرس سے متاثر و ہلاک ہونے والے مریضوں اور طبّی عملے کی یاد میں ایک روزہ سوگ منایا گیا، مقامی وقت کے مطابق صبح ٹھیک 10 بجے پورے ملک میں مکمل خاموشی اختیار کی گئی۔صبح ٹھیک دس بجے پورے چین میں سائرن بجائے گئے جن کے بجتے ہی سب لوگ اپنی اپنی جگہ پر تین منٹ کیلئے بالکل ساکت ہوگئے، کاروں، ٹرین، بحری جہازوں اور ایئر ریڈ نے سائرن بجاکر ہلاک ہونے والوں کو خراج عقیدت پیش کیا، چینی حکومت کی جانب سے اس موقعے پر بطورِ خاص ان طبّی کارکنان کو خراجِ تحسین پیش کیا گیا جو اس وبا سے لڑنے میں پوری تن دہی سے مصروفِ کار رہے، جبکہ کورونا وبا کے خلاف جنگ میں مرنے والے 14 طبّی کارکنان کو ”شہداء“ قرار دیتے ہوئے ان کیلیے قومی اعزاز کا اعلان بھی کیا گیا ہے۔