معاہدہ کے بعد بیشتر عسکری سرگرمیاں ترک کر دیں،طالبان

 طالبان اکثریتی طور پر اپنے دفاع میں لڑتے رہے ہیں، اعلیٰ مذاکرات کار
دوحا ( نیوز ڈیسک )افغان طالبان کے اعلیٰ مذاکرات کار عبدالسلام حنفی نے کہا ہے کہ رواں سال فروری میں طے پانے والے امن معاہدے کے بعد ان کے گروپ نے اپنی زیادہ تر عسکری سرگرمیاں ترک کر دی ہیں۔ حنفی نے کہا کہ نہ تو اس سال موسم بہار میں حملوں کا سلسلہ شروع کیا گیا، نہ صوبائی دارالحکومتوں کو نشانہ بنایا گیا اور نہ ہی بڑے شہروں میں منظم حملے کیے گئے، انہوں نے کابل حکومت کے دستوں پر حملے بڑھانے کا الزام لگاتے ہوئے کہا کہ طالبان اکثریتی طور پر اپنے دفاع میں لڑتے رہے ہیں